香港唱片鋪多到數唔曬，只要有錢，唔理係當紅偶像，抑或係冷門歌手o既唱片，都唔難買到。而且依家咁多翻版，唱片商都會出盡法寶搵錢，啲唱片越o黎越抵買抵聽。但點都諗唔到會有一間專賣死人唱片o既鋪頭。有一晚我訓唔著，覺得有啲肚餓，咁o巖屋企又冇o野食，於是落街買揾o野食囉。o系樓下便利店買完o野之後，經過一條走廊，突然見到一個丟空o左好耐o既鋪頭有燈著o左，我覺得好奇怪，就行近啲睇睇。原來係一間唱片鋪，而且播緊鄧麗君o既歌。呢度好似有一種力量吸引我入去，入o左間鋪頭之後，發覺除o左裡面好光猛之外，間鋪頭更加係大得出奇，一欄一欄o既唱片分門別類咁擺，好似o巖o巖開張冇幾耐，直情好似唱片連鎖店咁。既然都入到去，咪順便睇吓囉。我一邊行一邊睇，發覺裡面全部都係賣鄧麗君、鄭君綿、新馬師曾……仲有一啲不知名o既唱碟，全部歌星都已經死o左好耐。我拎o左一隻鄭君綿o既唱片，問櫃位個男人：「點解呢度淨係賣死人唱片o既？」呢個男人好詭異咁笑住答我：「死人當然賣死人o既唱片啦！」 雖然我覺得佢古古怪怪咁，但係又驚佢見到我唔買o野會發難渣，咁o巖我個銀包有一百蚊，咪索性買只唱片，點知個男人見到我啲錢之後，當堂變曬面色同我講：「我淨係收『冥通銀行』o既錢！」 冥通銀行？咁咪即係陰司紙？嚇到我嗱嗱聲丟低張唱片就搏命咁走，但係間鋪好似走極都走唔出去咁，到我走到冇曬力，諗住呢次實死冇生o既時候，我個銀包突然金光一閃，呢個男人o既鬼手好似畀啲o野嚇親彈開幾十尺。跟住我隱隱約約咁聽到一句「你夠運」之後，我周圍o既環境變返原本空置o既舖位。 後來我聽朋友講，原來係我收o系銀包裡面個張開o左光o既四面佛相片救o左我一命。事後我將件事話畀阿媽知，聽佢講話個間空鋪o系三年前，前身係一間唱片鋪，後來發生一場大火，店主當場被燒死，買家都驚間鋪有污糟o野，所以冇人敢租呢間舖位。自此以後，我間中仍聽到呢個舖位有啲歌聲傳出o黎，但係我唔敢再行去嗰度。